Unha edición grande e acartonada do clásico ilustrado, agora en galego, ideal para contar e compartir.á

?A que sabe a lúa?? é, sen lugar a dúbidas, unha das publicacións máis emblemáticas do catálogo de Kalandraka. Desde a súaápublicación en 1999, máis de 500.000 exemplares deste relato de solidariedade e soños compartidos teñen viaxado a fogares,áescolas ou bibliotecas nos diferentes idiomas nos que foi editado: galego, castelán, català, euskara, portugués, inglés, italiano...áKalandraka achéganos agora en lingua galega este clásico contemporáneo nun novo formato en cartoné e tamaño excepcional,áideal para ler en grupo e que de certo se converterá nun recurso imprescindible para mediadoras, escolas e bibliotecas.á

?A que sabe a lúa??, escrito e ilustrado polo autor e ilustrador polaco Michael Grejniec,áé un libro especialmente recomendado para primeiros lectores. Basea a súa estruturaánas repeticións e na acumulación de personaxes, un recurso moi frecuente na literaturaáde tradición oral. Esta obra convida a ser contada, conseguindo unha grande interacciónáentre o narrador e os receptores.