Menerbés e Montanha Negra, Pais Bas e Planastèl de Saut, de Corbièras en Carcassés, campestre e ciutats, una tencha de verdet a picassat lo païsatge. 40-44 un pais de Cocanha vira a la marrana. Entre milicia e gestapò, paur, necitge e denoncias, la terror s'espandis qu'embarra encara los darrièrs èimes macats dins un non-dich crentos.Filh de resistent-maquisard, Tinò escapat al pal de la mòrt e fraire d'engatjament de guerilleros antifascistas d' Espanha e d'endacòm mai, lo Miquèl Decòr nos tira lo fial d'unas vidas nhafradas dins lo combat totjorn viu per la Libertat e la Dignitat de l'òme. Dotze racontes d'anar-venir entre realitat istorica e ficcion romanesca per una memòria en marcha