Don Vermiño propuxérase percorrer os cinco metros que separaban a laranxeira do limoeiro. De camiño, unha pulga, unha formiga, unha xoaniña, unha tesoiriña e un grilo deciden acompañalo. Mais, ao chegar ao seu destino, Don Vermiño segue só, e aparece unha temible avespa… O emprego de estruturas acumulativas e repetición de sucesos facilitan a memorización do texto. Usando esta fórmula tan eficaz para primeiros lectores, a autora desenvolve esta tenra historia de colaboración e agradecemento. As ilustracións, simpáticas e expresivas, foxen do clixé sobre o insectos.