O xantar dos remeiros de Renoir é o alicerce artístico que Fuco Paz aproveita para dar vida a cada un dos persoeiros dese cadro impresionista neste libro, no que se compaxinan os xéneros lírico, dramático e narrativo. A través das reflexións poéticas, os lectores chegan até a mesa na que se produce o encontro e que soubo pintar tan maxistralmente Renoir. Este libro conta tamén cunha novidade: cada un dos pratos típicos da cociña francesa son aliñados con versos gastronómicos. Para rematar, un glosario léxico, antroponímico, toponímico e gastronómico aclararán calquera dúbida que puidese espertar a curiosidade dos lectores.