A gollada d’o bosque replega os esdebenimientos d’un lugarón d’Irlanda, en o poliu condau de Donegal, an apareixe asasinada Emily Donoghue. Ye o primer asasinato comeso en Ballydungael en os zaguers 70 años. Estará un desafío ta las fuerzas bibas d’o lugar; a mayestra y nobelista d’esito, l’alcalde, a locutora de radio, o mosen de San Columba y a chobena dotora acabada de plegar que prebarán d’aduyar a o sarchento de la Garda a resolber o crimen, pero en ista ocasión o crimen ba a estar real.En ista istoria d’intriga con sapia, sentiu y umor irlandeses y con o telo de fundo, a punto de rematar-se o ziclo de biolenzia en o Norte y con una colla de presonaches como: un potentau en o suyo castiello, un pintaire que pinta espullau, una misteriosa muller que bibe en o bosque, un inspeutor sin de complexos, un menistro que no sabe dezir Ballydungael, un chino que parla irlandés... y la muga de partizión d’as dos Irlandas.En una billa d’Irlanda amanixe muerta una muller. Ye o primer asasinato en ista poblazión dende a guerra zebil. Un zarpau de presonaches s’adedicará a descubrir a lo culpable, cadagún rechirando por puestos distintos pero metendo-ie de conchunta las suyas conclusions. Son doze capetulos, y cadaguno desembolica as feitas d’un diya. A gastronomía, a politica, os esportes, a cultura, a soziedá, a relichión, a mosica, a Guinness, l’IRA…, a la finitiba, un libro que chusmía toda la sabor d’Irlanda con sentiu de l’umor.