Las fiestas son l'alma de los lugars. Prou que malas que allegan ixos días, l'alegría chupe toz los racons e asabelos actos emplenan las carreras e las plazas. Ye lo caso de Nabal, con las suyas fiestas en honor a la Virchen de los Dolors que se fan en septiembre. Dende 1991 dica 2011, José Antonio Orús, de casa Lo Soldau, ya seiga desde lo balcón u bella vez a esgarramanchas en lo burro, leyeba los pregons repasando los feitos ocurrius en lo lugar e en lo mundo con bel toque d'humor somarda que feba esmelicar a la chent. Antiparte, suposa una chicota replega de la historia de las zagueras decadas de Nabal. En este volumen se recullen los textos de vintitrés pregons que se corresponden a lo periodo comprendiu entre los anyos 1989 e 2011. Toz fuen escritos e recitaus por José Antonio Orús, menos los de 1994, 2004 e 2005, que son obra de Carlos Carruesco. En una cudiada e restaurada lengua, lo libro ye una preciosa muestra de l'aragonés charrau en esta villa semontanesa.