Basotik hurbileko urmael batean, bi adiskide banaezin bizi ziren: arraintxo bat eta zapaburu bat. Arraintxoak ez zuen sinesten zapaburua igel bihurtu izana, eta beraz, eztabaidan aritu ziren, zapaburuak mundua ezagutzera alde egitea erabaki zuen arte. Itzuli zenean, urmaeletik harago ikusitako gauza harrigarriak bere lagunari kontatu ostean, arraintxoak ere haren urratsei jarraitzea erabaki zuen. Laster, ordea, ohartuko zen lehorrean bizitzea ez zela uste bezain erraza.«Arrainak arrain» albumean, lehenago Lionniren obretan landutako gaiak agertzen dira, hala nola adiskidetasunaren garrantzia edo desberdintasunaren onarpena. Guztiarekin ere, beste zenbait alderdi sakon ere lantzen dira modu originalean: nola ezagutzen ditugun gauzak, nola dakigun dakiguna, nola ikusten ditugun besteak edo nola ikusten gaituzten besteek. Abiapuntu ezin interesgarriagoa gure gaitasunei buruz eta besteek egin ahal duten zerbait ezin egiteari buruz mintzatzeko.