Con A Inquilina do Veo chegamos ao oitavo título de Sherlock Holmes para pequenos detectives, unha colección amena e divertida cos mellores casos do detective máis famoso de todos os tempos. Grazas á súa narrativa áxil e ás rechamantes ilustracións axudará a consolidar o amor pola lectura dos máis novos. Ademais, as didácticas aclaracións sobre termos e obxectos propios da Inglaterra da época achegaraos á literatura clásica de detectives. "Hai sete anos, un horrible incidente tivo lugar na vila de Abbas Parva. O Sr. Ronder, propietario do Ronder's WILD ANIMAL SHOW, atopou o seu final tras o ATAQUE dun león fuxido." Holmes enfronta un vello misterio cando o convidan a visitar unha dama que se nega a amosar o seu rostro. Un aterrecedor crime cometido sete anos atrás con terribles consecuencias, e é misión de Holmes salvar a inquilina do veo da súa propia conciencia.